Австралия. Фалунь Дафа практикасы сулуулук салонунун ээсинин жашоосун өзгөрттү

Ражна Джолли — чачтарач жана визажист, Мельбурндун элиталык районунда жайгашкан сулуулук салонунун ээси. Ал шайыр мүнөздүү,  жакшы достук мамилени билет, энтузиазмга толгон айым. Анын жаркын  маанайы салондун бардык кызматкерлерине тарап, ал эми алар кардарлардын өзүн эркин жана жайдары сезүүсүнө таасир беришет.

Мен издеген бардык нерсени Фалунь Дафадан таптым

«Мен ар дайым руханий дүйнөгө кызыгып, ар кандай руханий практикалар менен алектенип жүргөм, бирок алардын эч бири менин жүрөгүмөн орун алган эмес, анткени ал мектептердин устаттарынан мен издеп жаткан чындыкты жолуктура албадым.

2009-жылы бир курбум мага Фалуньгун (Фалунь Дафа) жөнүндө айтып берди, а мен ошол замат издеп жүргөн нерсем дал ушул практика экенин түшүндүм», — деди Джолли.

Анын айтымында, Фалунь Дафа практикасындагы «Чындык, Боорукерлик, Сабырдуулук» принциптери анын жүрөгүндө терең жаңырык жараткан: «Мен бул Дафа менен машыгышым керек экенин дароо түшүндүм, канча чыгым болбосун. Бирок кийинчерээк билдим — Фалунь Дафа менен машыгуу таптакыр акысыз экен».

Ал Фалунь Дафа менен таанышкан учурду мындайча эскерет: «Досум адегенде мага мугалим Линин бир нече лекцияларын берди. Алар мени аябай кызыктырды. Андан соң ал мага Фалунь Дафа китебин берди жана эгер мен чындап машыгам десем, бул китепти окушум керек экенин айтты».

Фалунь Дафа китеби менин жашоомду өзгөрттү

Досунун кеңешин угуп, Джолли китепти башынан аягына чейин окуп чыкты: «Фалунь Дафа китебин биринчи жолу окугандан кийин менин жашоом өзгөрдү. Мен ар дайым руханий жакка тартылып турчумун, бирок ошол эле учурда кечелерди жакшы көрүп, баңги заттарга жана алкогольго берилип кеткем. Бирок Фалунь Дафа менен машыга баштагандан кийин, эгер жүрөгүм менен чыныгы өркүндөөнү кааласам, анда сөзсүз өзгөрүшүм керек экенин түшүндүм. Мен чын дилим менен өркүндөөнү кааладым, ошондуктан алкогольдон жана баңгизаттардан дароо баш тарттым.

Бирок тамекини таштоо анчалык оңой болгон жок, анткени ал менин жашоомдун бир бөлүгүнө айланып калган эле. Кофе менен тамеки чегүү — мен үчүн кадимки көрүнүш болчу. Бирок Китепти окугандан кийин тамекинин чыныгы табияты кандай экенин түшүндүм. Анда эч кандай пайда жок, болгону убактылуу тынчтык гана берет экен. Тамекини толугу менен ташташ үчүн мага 18 ай керек болду».

Китепти окуу

«Китепти окуп жатып, анын автору, Устат Ли Хунчжи мага түз сүйлөп жаткандай сездим жана арабызда көрүнбөгөн, бирок терең байланыш түзүлгөнүн туйдум», — деди ал.

Ал муну башка эч бир китептен сезбегенин кошумчалады: «Бул байланыш сиз китепти колуңузга алып, окуй баштаган биринчи эле мүнөттөн башталат. Бирок бул руханий байланышты толук сезүү үчүн, сөзсүз түрдө китепти толугу менен окуп чыгыш керек».

Джолли minghui.org сайтынан Устат Линин Гуанчжоу шаарында берген видео лекцияларын тапкан: «Бул видеолорду көрүү менен мен өркүндөө деген эмне экенин тереңирээк түшүнө баштадым. Фалунь Дафа китебин биринчи жолу окуганда эле, мен дагы деле билбеген бир нерсе бар экенин сезгем. Ал видеолор мага Фаны жакшыраак түшүнүүгө жардам берди. Албетте, китепти канчалык көп окусаңыз, түшүнүгүңүз ошончолук тереңдейт жана жаңы деңгээлдеги аң-сезимге жетесиз. Бул чындап эле укмуш».

«Чындык, Боорукерлик, Сабырдуулук» принциптерин кармануу

Джолли мындайча эскерет: «Практиканы баштаганымда, Устат менин денемди иретке келтирип, ойлорумду тазалай баштады. Мен чыныгы практик болууну кааладым жана күнүмдүк жашоомдо да, ишимде да „Чындык, Боорукерлик, Сабырдуулук“ принциптерин карманууга аракет жасайм деп чечтим.

Мен 2014-жылдан бери иштетип келе жаткан бизнесиме бул принциптерди киргизүүнү кааладым. Ар бир күн сайын Фалунь Дафа принциптери менен жашоого аракет кылам, бирок алдыда дагы  өзүмдү өркүндөтүүм керек. Башында оор болду, анткени бизнес чөйрөсүндө эгер акча таппай же атаандаштарды ар кандай амал менен жеңүүгө аракет кылбасаңыз, сизди келесоо деп ойлошот».

Фаны үйрөнүп, денеси менен аң-сезими жакшырган сайын, Джоллинин өзүнө болгон ишеними да өрчүдү.

«Мен бул принциптерди бизнес-практикага киргизгим келди, анткени бул кызматкерлер жана кардарлар менен болгон мамилени жакшыртат. Ар кандай жаңжал чыкканда, мен „Чындык, Боорукерлик, Сабырдуулук“ принциптери менен иш алып барам. „Бул нааразы болгон кардардан мен эмнени үйрөнүшүм керек? Аны канааттандыруу үчүн өзүмө кандай талап коюушум керек? Кайсы сезимдеримди  же тирешүүмдү табышым жана жок кылышым керек?“ — деген суроолорду өзүмө берем.

Фалунь Дафа практикасы мага күч берет, анткени дал ушул принциптер кыйын учурларда мени колдоп, жагдайды талдап, көйгөйлөрдүн тамырын табууга жардам берет», — дейт Джолли.

Кардарлар шаардагы каттам көп болгон аймактагы анын салонуна киргенде, аларды дароо эле жылуу жана меймандос атмосфера курчап алат. Кызматкерлер кардарлардын муктаждыктарын кунт коюп угушат, алардын жылмаюусу менен боорукер мамилеси кардарларга жан дүйнө жылуулугун тартуулап, аларды өзүн эркин жана ыңгайлуу сезүүгө жардам берет.

Джолли кызматкерлерге үлгү болуп, ар бир кардарга кандай мамиле кылуу керектигин көрсөтүүгө аракет кылат.

«“Чындык, Боорукерлик, Сабырдуулук“ принциптерин кармануу менен нааразы болгон кардарды да кубантып койсо болот. Менин жүрүм-турумум кызматкерлер үчүн да үлгү болуп берет. Ар бир адам сизге аң-сезимиңизди кеңейтип, бизнесиңизди жакшы жүргүзүүгө жардам бере алат,  кайсы тармакта кандай иш болсо да.

Фалунь Дафа мага кандайча жакшы адам болууну, элге кандай кызмат кылууну үйрөтөт, айрыкча биздин тармакта бул абдан маанилүү. Мен үчүн кызматкерлерим адамдарды сылык жана урматтоо менен тейлөөнү түшүнүшү өтө маанилүү. Алар менин көрсөтмөлөрүмдү аткарышат, мен болсо Устаттын „Чындык, Боорукерлик, Сабырдуулук“ принциптерин аткарууга аракет кылам», — дейт ал.

Джолли жумасына алты күн, күнүнө 12–15 сааттан иштейт. Мындан сырткары, ал кам көрүшү керек болгон үй-бүлөсү бар. Ал күн сайын Фаны үйрөнөт жана бардык кыйынчылыктар менен көйгөйлөрдү Дафа көз карашы аркылуу чечүүгө аракет кылат. Үй-бүлөдөгү чыр-чатактар чыкканда да ал «Чындык, Боорукерлик, Сабырдуулук» принциптерин колдонууга аракет кылат.

Анын туугандары жана достору Джоллинин ишин жана Фалунь Дафа иш-чараларына катышуусун колдошот.

Жыйынтык

Мельбурндун бай районунда жайгашкан жогорку деңгээлдеги парикмахердик салонго коомдун бардык катмарынан, анын ичинде шоу-бизнес жылдыздары да келишет. Джолли жолуккан адамдарга бул Китепти сунуштап турат.

«Бул Китеп мен үчүн өзгөчө маанилүү, анткени ал мага үмүт берет. Мен ар бир адамдын бул китепти окууга мүмкүнчүлүгү болушун каалайм. Алардын жашоосу өзгөрөт, аң-сезими кеңейет, анткени алар дүйнөгө башкача көз менен карай башташат. Алар Ааламдын сырларын билип башташат жана адамдын көзүнө көрүнбөгөн көп нерселерди ачышат. Бул алардын аң-сезимин ойготот», — дейт ал.

Фалунь Дафа деген эмне? 

Фалунь Дафа (же Фалуньгун) практикасы коомчулукка 1992-жылы Чанчунда Ли Хунчжи мугалим тарабынан киргизилген. Азыр Фалунь Дафа дүйнө жүзү боюнча 100дөн ашык өлкөдө жана аймактарда таркап аны менен ийгиликтүү машыгышат. Чындык-Боорукердик-Сабырдуулук принциптерине негизделген жана беш медитация көнүгүүлөрүн камтыган бул руханий практиканын миллиондогон жолдоочулары ден соолугун жана мүнөзүн жакшыртышты. 

Кытайдын компартиясынын (ККПнын) мурдагы жетекчиси Цзян Цзэминь бул руханий практиканын популярдуулугунун өсүп баратканына тынчсызданып, аны ККПнын атеисттик идеологиясына коркунуч катары көрүп, 1999-жылдын 20-июлунда Фалуньгунду куугунтуктоо боюнча буйрук чыгарган. 

Minghui.org веб-сайты 25 жылдык куугунтуктун натыйжасында өмүрүнөн ажыраган бир нече миң Фалуньгун практиктеринин өлүмүн тастыктады. Өлгөндөрдүн иш жүзүндөгү саны бул көрсөткүчтөрдөн алда канча көп деп болжолдонууда. Фалунь Дафанын практиктери дагы мыйзамсыз түрдө камалып, ишеними үчүн кыйноого алынган. 

Трансплантациялоо үчүн органдарды алуу үчүн өлтүрүлгөн камактагы Фалуньгун практиктеринин органдарын мажбурлап алуу боюнча ККПнын кылмыштарынын конкреттүү далилдери бар. 

Цзяндын жеке жетекчилиги астында ККП «Офис 610» түздү, анын ыйгарым укуктары полиция менен сот бийлигинен ашкан мыйзамдан тышкаркы коопсуздук агенттиги. «Офис 610» жалгыз милдети Фалуньгунду куугунтуктоо.