Хэбэй провинциясындагы аялдар түрмөсү. Фалуньгун практикалоочуларына карата колдонулган «мээни чайкоо» ыкмаларынын үч баскычы

Хэбэй провинциясынын борбору Шицзячжуан шаарындагы аялдар түрмөсүндө жаңыдан түшкөн жана жакында бошонгону жаткан айрым туткундар 13- жана 14-бөлүмдөргө жайгаштырылат. Бул эки бөлүмдө Фалуньгун практикалоочулары өзгөчө катаал куугунтукка дуушар болушат.

Фалуньгун ишениминен баш тарттырууга аракет кылуу максатында, түрмө кызматкерлери үч баскычтуу «мээни чайкоо» ыкмасын колдонушат: баштапкы текшерүү, «мээни чайкоо» жана «бекемдөө» баскычы.

Баштапкы текшерүү

Түрмөгө жаңыдан түшкөн Фалуньгун практикалоочуларын көп учурда 14-бөлүмгө киргизишет. Бул бөлүмдө алар менен мурда Фалуньгундан баш тарткан адамдар иш жүргүзүшөт. Эгер 10–15 күндүн ичинде алар «трансформацияны» кабыл албаса, анда 13-бөлүмгө өткөрүшөт. Бул бөлүм «билим берүү бөлүмү» катары белгилүү болуп, мында мээни жуу процессин дагы күчөтүшөт. Бир аз убакыт өткөндөн кийин, аларды өндүрүш бөлүмүнө которушат.

Мээни чайкоо баскычы

13-бөлүмдөгү туткундардын көбүн жаш өспүрүмдөр түзөт. Бул жерде мурдагы Фалуньгун практиктерин жаңы практиктерге «трансформациялоо» үчүн кармашат. Ал эми камактагы жогорку билимдүүлөр  коммунисттик режимди даңазалоочу маданий, агартуу жана саясий иш-чараларды уюштурууга тартылышат. Мындан тышкары, бул бөлүмдө практикалоочуларды куугунтуктоого активдүү катышкан бир нече камалгандар да бар. Эгер алар Фалуньгун ишениминен баш тарттыра алышса, жаза мөөнөтү кыскартылат.

Фалунь Дафа практикалоочулары «трансформацияга» каршы турушса, аларды «сүйлөшүү бөлмөсү» деп аталган жайга алып кетишет. Бул жерде аларга мурдагы камакка алынган практиктер жана камалгандар дайындалат. Дафа жолдоочуларын таңкы саат 5терде ойготушуп, жуунганга мүмкүнчүлүк бербей туруп, ошол бөлмөгө алып барышат. Алар Фалуньгунду жана анын негиздөөчүсү мугалим Ли Хунчжини каралаган видеолорду көрүүгө мажбур болушат. Бөлмөдөн сыртка чыгууга уруксат жок, бир гана ажатканага барууга болот.

Алгач, мурдагы практикалоочуларды башка камактагылар Дафа практигин ишениминен баш тартууга көндүрүүгө аракет кылышат. Эгер ийгиликке жетишпесе, аларды жана Фалуньгун негиздөөчүсүн жамандап, мазакташат. Эгерде  андан ары да ишениминен кайтуудан баш тартышса, аларды сабашып, физикалык зомбулук көрсөтүшөт.

Азап көрсөтүүнүн бир ыкмасы катары практиктерди бир нече күн бою уктатпай кармоо колдонулат, аларга отурууга да тыюу салынат. Алар чарчап, башы айланып, күчтөн тайыганда, мурдагы практикадан баш тарткандар же башка камактагылар аны Фалуньгундан баш тартуу тууралуу арыз жазууга же алдын ала даярдалган документке кол коюуга мажбурлашат. Эгерде практик каршылык көрсөтсө, аны сабашы же чоң бармагынын учун калем менен кан чыкканга чейин тешип салышы мүмкүн.

Практик азапка чыдай албай, «кепилдик каты» деп аталган документке кол койгондон кийин, ага түрмө кызматкерлери келип, аны «өзгөрүүгө» жана Фалуньгундан толук баш тартууга үндөшөт.

13-бөлүмдө бир нече «окуу бөлмөсү» бар. Ар бир бөлмө калың пардалар менен жабылгандыктан, ичиндеги окуяларды камалгандар көрө алышпайт. Кепилдик катына кол койгон жана «туруктуу» деп табылган практиктер ушул бөлмөлөргө киргизилет. Ар бир таңкы саат 5те аларды мурдагы практик жана башка туткун менен кошо «окуу бөлмөсүнө» алып келишет. Түрмө жетекчилиги тарабынан толук «трансформацияланбаган» деп эсептелгендер күн сайын Фалуньгунду жамандаган видеолорду көрүүгө жана «отчёт» жазууга мажбурланышат. Кечки «окуудан» кийин алар кайра камераларга кайтарылат. Убакыт көп өткөн сайын айрым практиктер идеологиялык таасирге дуушар болушат.

Бул «мээни чайкоо» процесси жок дегенде үч айга созулат, кээ бир учурда ал жарым жыл же андан да узак убакытка созулушу мүмкүн. Түрмө кызматкерлери ар бир практиктин «өзгөрүшүн» кылдат байкашып, камактагылардан кылдат отчетторду алып турушат. Практиктерди өндүрүш бөлүмүнө өткөрүшпөйт, алар Фалуньгунду айыптаган видео жазмайынча. Көпчүлүк практиктер, айрыкча узак мөөнөткө кесилгендер, кыйноолордон кутулуу, түрмөдө салыштырмалуу «тынчыраак» жашоо үчүн кепилдик каттарына кол коюуга аргасыз болушат.

Бекемдөө баскычы

Кепилдик кат жазгандан кийин практиктерди өндүрүш бөлүмүнө которушат, бирок алар ай сайын ой-пикирлери тууралуу отчет жазууга мажбурланат. Аларга башка практиктер менен бир камерада болууга же сүйлөшүүгө уруксат берилбейт. Өз ишенимине бекем тургандар эки кайтаруучунун  көзөмөлүндө болушуп, Фалуньгунду каралаган видеолорду көрүүгө мажбур болушат.

Узак мөөнөткө кесилген практиктер үчүн кепилдик кат жазуу менен гана жаза жеңилдетилбейт. Түрмө кызматкерлери алардан Фалуньгунду жана анын негиздөөчүсүн башка туткундардын алдында же жаза мөөнөтүн кыскартуу өтүнүчү боюнча сот отурумунда ачык айыптоону талап кылышат. Түрмө жетекчилиги бул адам чындап ишениминен баш тартканына ынангандан кийин гана мөөнөт кыскартылышы мүмкүн.

Бошотууга жакын калган учурда, практикти кайрадан Фалуньгунду каралаган видео жазууга мажбурлашат. Эгерде ал баш тартса, бул тууралуу маалымат жергиликтүү полицияга же турак жай комитетине берилет. Алар аны түрмөдөн чыккан күнү тосуп алышат, үйүнө кайткан соң үзгүлтүксүз көзөмөлдөөнү улантышат.

Фалунь Дафа деген эмне? 

Фалунь Дафа (же Фалуньгун) практикасы коомчулукка 1992-жылы Чанчунда Ли Хунчжи мугалим тарабынан киргизилген. Азыр Фалунь Дафа дүйнө жүзү боюнча 100дөн ашык өлкөдө жана аймактарда таркап аны менен ийгиликтүү машыгышат. Чындык-Боорукердик-Сабырдуулук принциптерине негизделген жана беш медитация көнүгүүлөрүн камтыган бул руханий практиканын миллиондогон жолдоочулары ден соолугун жана мүнөзүн жакшыртышты. 

Кытайдын компартиясынын (ККПнын) мурдагы жетекчиси Цзян Цзэминь бул руханий практиканын популярдуулугунун өсүп баратканына тынчсызданып, аны ККПнын атеисттик идеологиясына коркунуч катары көрүп, 1999-жылдын 20-июлунда Фалуньгунду куугунтуктоо боюнча буйрук чыгарган. 

Minghui.org веб-сайты 25 жылдык куугунтуктун натыйжасында өмүрүнөн ажыраган бир нече миң Фалуньгун практиктеринин өлүмүн тастыктады. Өлгөндөрдүн иш жүзүндөгү саны бул көрсөткүчтөрдөн алда канча көп деп болжолдонууда. Фалунь Дафанын практиктери дагы мыйзамсыз түрдө камалып, ишеними үчүн кыйноого алынган. 

Трансплантациялоо үчүн органдарды алуу үчүн өлтүрүлгөн камактагы Фалуньгун практиктеринин органдарын мажбурлап алуу боюнча ККПнын кылмыштарынын конкреттүү далилдери бар. 

Цзяндын жеке жетекчилиги астында ККП «Офис 610» түздү, анын ыйгарым укуктары полиция менен сот бийлигинен ашкан мыйзамдан тышкаркы коопсуздук агенттиги. «Офис 610» жалгыз милдети Фалуньгунду куугунтуктоо. 

Булак: en.minghui.org